سلسلة حوارات،،،، إقرأ ..فكر…ناقش (الحلقة 2)
إبراهيم خاطر
أربع تغريبات من:
سفر الأحزان
وسوناتا الوجود عن شول بميقات الشمس
في عرض حال محرج
أبكر آدم إسماعيل
شعر
(أ) إضاءآت ….
2- سفر الأحزان ….!
لماذا الأحزان …….؟
لأن الصوت المتكلم علي أكتافه ملايين الأصوات المسكتة بالغياب والهامش القسري، المجروحة في موقع الإنسان فيها، الموسومة بالدونية وحتي الوصول الي أرض الحلم.
فإنها؛ ستظل نازفة والوصول إلي أرض الحلم قد يحتاج لقرون، حيث:
الريح علي الأبواب
بتقسم الإحساس
للغاشي والماشي
كل الوطن للناس
لا خاصة لا عامة
مهما العرق دساس
3- اللغة.
إن استعمال مستويات متعددة من اللغة في القصيدة، رسالة تنفي أي سلطة للفصحي وتعتبرها مساوية تماماً للدرجات بإعتبار أن جوهر اللغة يكمن في قدرتها على توصيل المعني، عليه؛ يصبح لا معني للموقف الأيدولوجي، الذي يتعامل مع الفصحي باعتبارها مستوى أعلي والدارجة باعتبارها مستوى أدني ؛ ويتم اسقاط ذلك علي الأعمال الإبداعية.
قراية أولي
“”””””””””””””
الزنجبيل
إلي الشجر الذي لم يعد شجرا
………………………………….
وكان معاك قدر المشي
الخطوة في خاطر النجم ؛؛؛ زفة عناق في المستحيل
ما بينا سدرة منتهي.
البينا كان طقس افتراضي عن المطر ؛؛؛
إيقاع حظوظ الأنبيا وشجر الندم
لقنت أمطارك غناي …
دليتا في آخر وطن
لي حتة في صحرا الوجود ،،،
جوة العدم ؛؛؛
سقط الألم في الأرض أنبت نخلتين
شاهدين علي قبر الحلم
والشهدو ضلك ضفتين:
عطر الحلم ؛؛؛ و … الزنجبيل
والزنجبيل حافي ونبيل ،،،
ساجع علي صدر الحجا وبتكلمك — إسقاط —
يازوله وين دم القتيل … ؟
هل مر من تحت المسد لابس جسد ،،،
أم عد من السكة ديك ومعاهو مفتاح البلد ؟؟
إتذكري …
إتذكري ؛؛؛
إبريق ومصلاية أبوك إتختو وين ؟
بتصلي وين ؛؛؛ ياتايبه
ما فوق الجرح
وأبي الجرح
يتقتي بي سمل الملح
………………………. والموقف الأبيض
…………………………..وإختار النزيف
إتحنني
حنصوبك
زي طلقة لو يصحي البحر
ويوسمك بالأنسنه
ويجسمك صورة فرح … ويصلي ليك
من كل ليل حيعدي فوق ويصلي ليك
من كل ليل حيعدي فوق جبل الحنين
…………….. والغيمة تعتر فوق قمر
حنكتبك يا تايبه تاريخ المطر
من كل ريح حتمر علي خاطر نبي
حنونسك بالموية
…….. والشر
……….. والرماد
منكل نتجه علي الجرح
حنعذبك بالشحده لي ذرة ملح
وندخلك في أي زول في كل يوم
عريانه من قشرة نبيك
ونقدمك في الغنوه كاسين للنديم
ونكفر العسجد
وأسوار الحدائق
والحقول ونغني ماي
ونغني بره الإنتظار …
عار الوطن
عار الوطن
بين الصهيل والخيل
تحتو مرت قافله
عقب المخاسريه النجم
…………….. والليل
……. و أزمنة من هديل
نهر الضياع ؛؛؛
ما بلل الصحرا ورقد في التيه
وإتغني نام عطش الجذور
فوق عنقريب الأرض
وبروش مضفره بالمياتم والجفا
تقعد ….
تقوم …….
تلقاك مسيج بالقفا
وتبيت إلي عشم الوصول
ونعال أبوك مشعوقة فوق ضهرك حفا
ترقد …..
تنوم ………..
حيطل عليك جدل السواعد والحقول
…………………………….. جوه الحلم
همن مدينتين لي بعض
زي ما الوطن والناس
والعادي من حلم البنات أكبر من الشامه
ً……………. المورطه فوق ملامح الزول
وأصغر من حدود القلب
ونحب …..
في كل بيت مدخل وحب
في كل إندايه احتمال
في جو فشفاش القبيلة عضم
في كل وريد آيه وقلم
وفي عمق إحساسك نغم
غنيتك في الدروب دهبايه
شنقلت الوطن طوبايه طوبايه
شان ألقاك
لقيتك في الحقول لوبايه
غنيتك مع أمي وأبوي
لوبا قمبرو
يبس كو كو
دنقرو نلقطو
نواصل …
ابراهيم خاطر مهدي
13فبراير 2023م.