مزامير داوود الحلقة الاولي
الحلقة الاولي
المشهد الاول الطفل داوود في منزل عادي بحي عادي يعيش مع جده و جدته و والدته… داوود يرتدي ملابس الكشافة… الجد
جالس في الصالون ينادي عليه… داوود.. يا داوود اتاخرنا على الاحتفال يا ولدي… داوود يأتي مع امه و جدته… كنت البس يا
جدي… الجدة.. كلمت حاج علي سواق التاكسي نعم كلمته و شددت عليهو انه يكون هنا الساعة ٢ بالضبط الاحتفال بيبدأ اربعة لكن
احسن نمشي بدري و ما نخلي حاجة للظروف… ساعة الحائط تشير إلى الساعة ٢ ظهرا… صوت بوري العربة…. الجد يقول
اظن حاج علي وصل يلا يا داوود… الام و الجدة يقدمان داوود و الجد إلى الباب… الجد يسلم على حاج علي… حاج علي ما شاء الله مواعيدك مظبوطة زي القطار زمن الانجليز طبعا… جاج علي يضحك… توكلنا على الله حاج علي يرد ثم تتحرك العربة…
الجد و حاج علي يتناقشان… مافي اخبار من القمح الامريكي يا حاج علي… حاج علي يرد قمح أمريكي و بسكويت مصري و وبن
حبشي…. الله المستعان… ما قريت الجرايد الليله يا حاج احمد
الام و الجدة تتناقشان…. الام انا خايفة داوود يخاف و يرتبك و ما يقدر يغني…. الجدة داوود ولد فالح و ما شاء الله ما يهمه شي حا
يغني زي العجب و الناس كلها حا يعرفوا موهبته… انت بس ختي الرحمن في قلبك و ادعي ليهو… إن شاء الله ربنا يوفقه….
الام…. اللهم آمين انا دعواتي ليهو ما بتقيف الليل و النهار بس شايفة انه لسة صغير على الوقوف في المسرح و الغناء قدام
الجمهور و في الاحتفالات و قدام ناس الحكومة…. الله يسهل امره
العربة تقترب من وجهتها… حاج علي… الحمد الله وصلنا في مواعيد مريحة… خالص بعدين الساعة تسعة مساء بنتظركم في نفس
المكان دة… يلا يا داوود… خليك ثابت و كأنه ما في شي حاصل و ان شاء الله حا تغني كويس جدا…. حاج علي يرد.. كتر خيرك
يا حاج احمد… يدلفان إلى القاعة كراسي متراصة و حركة على المسرح من مهندسين الصوت… مسئول الاستقبال يجلس الجد في
احد الكراسي خلف الصف الامامي… ثم يقول استاذ محمد في انتظارك يا داوود… تعال معي… بعد اذنك يا والد… اتفضلوا…
مسئول الاستقبال و داوود يذهبان إلى الكواليس خلف المسرح
استاذ محمد يسلم على داوود و حوله مجموعة من الصغار… اهال داوود نحنا كنا منتظرنك… يلا يا شباب… لسة باقي ساعة…
نحاول نعمل بروفة صغيرة يصطف الكورس و تبدأ الفرقة في العزف… داوود يغني عازة في هواك و خلفه الكورس استاذ محمد
يعطي توجيهاته…
دايركم يا شباب تكونوا هادئين و تغنوا بنفس الطريقة الكنتوا بتغنوا بيها في البروفات
يبدا ضيوف الحفل في التوافد….المسئولين في الحفل يبدأون في الاستعداد لاستقبال الرئيس و الوفد المرافق له….
الموكب الرئاسي يصل موقع الحفل… يهرع المسئولين لاستقباله…. يدخل الرئيس ببدلته العسكرية العامرة بالنياشين إلى القاعة
يعزف السالم الوطني الجميع وقوف
الجدة و الام تتابعان فقرات الحفل بانتظار ظهور كورال قصر الاطفال
الجدة تقول لام داوود… انتي الناس دي ما بتفتر من النضمي…. اسي دي الخطبة رقم كم نسمعها
الام ترد… اصبري يا خالتي الغناء وقته قرب…. مذيع الحفل يعلن ان الفقرة القادمة لكورال قصر الاطفال
يظهر داوود في المقدمة و خلفه اطفال الكورال.. يصطفون بشكل دائري… داوود خلف المايكروفون و الكورس خلفه…. استاذ
محمد يعطي اشاره البدئ للفرقة الموسيقية
موسيقى عزة في هواك يتردد صداها في المكان و يبدأ المستمعين في الاندماج معها
الانشاد جماعي يتقدم داوود ليغني صولو عازة ماسليت وطن الجدود
صوته القوي يلفت الانظار
الرئيس يصفق له بحرارة
يتحدث إلى أحد مساعديه… الولد دة اسمه منو
الام و الجدة في غاية الفرح… دموع الام تنهمر…. لو كان حسن عايش اكيد كان حا يفرح اكتر مننا لداوود….الجده ترد يا بتي امر
حسن ولدي الله يرحمه و يصبرنا على فقده… وربنا يحفظ لينا داوود
الاخ الشقيق لحاج احمد يجلس مع احد الاطباء في عيادته…. الطبيب يطالع تقرير الموجات الصوتية و بعض الفحوصات
حسن ابن اخي توفي قبل سنة من مضاعفات المرض… له الرحمة و المغفرة انا عمه لكن اكبره بثمان سنوات فقط….
البركة فيكم استاذ عبدالرحمن… ربنا يرحمه و يغفر له….. طيب نحنا لازم نركب ليك وصلة في يدك و قسطرة في الرقبة….
عشان حا نحتاج نغسل…. انا حا احولك على جراح الاوعية الدموية…. في ارتفاع في وظائف الكلى و لازم نكون مستعدين للغسيل
الطبيب يقول… طبعا يا استاذ عبدالرحمن زي ما عارف وجود أكياس في الكلى مرض وراثي و بيسبب قصور كلوي و في مرحلة
ما حا نحتاج نغسل
كمان حا اكتب ليك الاكل الممنوع منك و لازم تلتزم بيهو
عبدالرحمن يرد…. يا دكتور انا راضي بأمر الله… وانت اعمل البتشوفه مناسب
مافي مشكلة…. شكرا ليك يا دكتور على اهتمامك و تعاملك الجميل
الجدة و الام متسمرتان امام التلفاز…. الجدة الولد دة ما حسه انقرش بالغناء خالص هلكتوهو يا اخواني هو و الوليدات المعاهو
الام داوود لمن يغني بيكون في قمة سعادته يا خالتي ما تشيلي همه….. سوداني الجوا َ ََوجداني بريدو بصوت داوود القوي
الجدة الوليدات ديل بعد التعب التعبوهو دة بعشوهن و لا برجعوهم بيوتهم بجوعهم
اكيد بعشوهن يا خالتي… عشاء سمح كمان… الحكومة كلها في الاحتفال دة
الله يجبر بخاطرك و يديك على قدر نيتك يا بتي… إن شاء الله
الرئيس يأمر احد مساعديه باستدعاء داوود…. يهرع منظمو الحفل لاستدعاء داوود
استاذ محمد يخاطب طلبته… أداء ممتاز… شكرا يا شباب… اداء رائع يا داوود
المسئولين عن الحفل يتحدثون إلى استاذ محمد
الرئيس طلب انه يتكلم مع داوود يا استاذ محمد… استاذ محمد… داوود… تعال يا ابني… داوود بصحبة مسئولي الحفل يهرع
لمقابلة الرئيس
الرئيس… اهال يا بطل انت كنت رائع اسمك منو….. انا اسمي داوود حسن احمد
بالتوفيق يا داوود
حاج احمد يصحب داوود إلى خارج الحفل… استاذ محمد يلحق بهم… يا حاج احمد خلي داوود يتعشى مع زمالئه…. شكرا يا
استاذ محمد بنتعشى في البيت امه و حبوبته حا يقلقوا عليهو لو اتاخرنا…. طيب يا حاج احمد انا بكرة بمر عليك بعد المغرب…
داير اتكلم معاك بخصوص داوود… حبابك الف استاذ محمد… انا في انتظارك بعد المغرب
حاج علي… يا سالم يا داوود يا ابني رفعت راسنا والله انا حضرت الحفل في التلفزيون عند جماعة اصحابي قريب من هنا… قلت
عشان ما اتأخر عليكم احسن اكون قريب
حاج احمد… اقرأ ايه الكرسي يا داوود يا ولدي ربنا يحفظك و يغطي عليك
نعم…. اسمع كلام جدك يا داوود يا ولدي
قريتها قبل ما اطلع المسرح لانه كنت خايف و متوتر شوية و حا اقراها تاني… يا جدي
الحي و اهله يحتفون بداوود عند مقدمه و إحدى الجارات تزغرد له
الجد لزوجته اعملي لينا عشاء يا عواطف الله يرضى عليك
الجده تخاطب الام ما قلت ليك يا امال… الحكومة ما بتعشي ليها زول… فالحين يساهروا بوليداتنا بس
في الصباح الباكر الاسرة يشربون شاي الصباح داوود بمالبس المدرسة…. زملاء داوود ينادون عليه…. داوود يا داوود… الام
تضع له افطاره ملفوفا في كيس… عليك اللله يا ولدي ما تجيبو راجع… افطر في المدرسة… حاضر يا أمي
داوود يفتح باب المنزل يجد جده عبدالرحمن قرب الباب اهال جدي عبدالرحمن
كيفك يا داوود يا ابني…. ياسالم رفعت راسنا بغناك الجميل
ما تتأخر على مدرستك الشباب منتظرنك
يدخل على المنزل يا حاج احمد
الجدة…. دة صوت عبدالرحمن اخوك…. إن شاء الله خير مالو جاي الصباح بدري كدة…. ما عوايده
حاج احمد يخرج لاستقبال أخيه في الحوش… اهلا عبدالرحمن إن شاء الله ما في عوجة
مافي عوجة… بس امبارح راجعت عند الدكتور
اتفضل تعال نشرب الشاي َنتكلم جوة
عبدالرحمن ألخيه…. الدكتور قال
لازم اركب قسطرة بعد دة و اتهيا لانه انا بعد كدة حاغسل
حاج احمد…. ربنا يقويك يا عبدالرحمن اخوي… نحنا ربنا امتحنا بالمرض الصعب دة و النقول الحمدلله
عبدالرحمن…. نعم الحمدلله… انا جيتك قلت عشان نطلع بدري نمشي نلاقي الجراح المفروض يعمل لي العملية…. شغال في
مستشفى خاص قريب منكم ما بعيد
مستشفى خاص ليه…. المستشفيات الحكوميه ما فيها جراحين
يا حاج احمد لو سكينا موضوع عملية في مستشفى حكومي دة سهر ساكت… احسن نتوكل تعملها بقروشنا
طيب طيب… اشرب شايك و انا بلبس سريع نطلع سوا
يخرجان….
عربه بوكس على متنها مجهولين تدخل الحي
تقف أمام كشك لبيع الجرايد و السجاير…. تسأل عن بيت الشاعر
صاحب الكشك يشير إلى المنزل المجاور لمنزل حاج احمد
احدهم ينزل من العربة يطرق الباب… الشاعر يفتح الباب…. الطارق يعرف نفسه بالعقيد عفيفي يقدم بطاقته… طالبينك في مكاتب
الامن العام كم سؤال كدة و بنرجعك البيت
الشاعر يتحدث إلى والدته يا أمي مشوار قريب وبرجع
*انتهت الحلقة االاولي**
التعليقات مغلقة، ولكن تركبكس وبينغبكس مفتوحة.