عشان تفهم (لماذا هذه الحرب الآن في السودان) ..

كل الحروب البتحدث في العالم الآن تحت أي مسمي، هي في الحقيقه حروب وصراعات حول الطاقه.
ومعلوم أنو من أهم مصادر الطاقة في العالم هو البترول. واكبر دولة عندها احتياطي بترول في العالم هي فنزويلا باحتياطي يبلغ (300 مليار برميل).
#ركز معاي كويس في ال [300 مليار] برميل نفط دي!!
العالم كلو متجه الآن لتوفير مصدر مستدام للطاقه، وده بتحقق عن طريق (اليورانيوم) كوقود للطاقه النوويه.
#ركز معاي في [اليورانيوم]
طيب، في السودان، خليك من البترول والدهب البتشير الدراسات (السرية طبعاً) بأنو من أغني الدول بيها، وركز معاي بس في اليورانيوم.
السودان بتبلغ ثروتو من اليورانيوم 1.4 مليون طن.
طيب، استعد لمفاجاة..!!!
عارف 1 جرام يورانيوم، بعادل في انتاج الطاقة كم برميل بترول؟؟
1 جرام يورانيوم = 100 برميل نفط
1 جرام يورانيوم = 3 طن فحم
لسه المفاجأة في السكه..!!
طيب، إذا احتياطي السودان من اليورانيوم بساوي مليون و 400 الف طن، حكون عندنا ما يعادل كم من احتياطي البترول للطاقه؟؟
قلنا:
1 جرام يورانيوم = 100 برميل
ونحن عندنا كم جرام يورانيوم؟
عندنا 1,400,000 طن يورانيوم
والطن فيهو كم كيلو؟
الطن = 1000 كيلو
والكيلو فيهو كم جرام؟
الكيلو = 1000 جرام
يابتاع الرياضيات بالله عليك ماتلخبط راسنا بالحسابات والارقام دي، أدينا المفيد!!
حاضر..
نحن يا عزيزي عندنا مايعادل:
1,400,000,000 كيلو يورانيوم
بالعربي (واحد مليار و ٤٠٠ الف كيلو)
وبالجرام كم؟
غمض عينك وفتحه!!
1,400,000,000,000 جرام يورانيوم
بالعربي كده (واحد ترليون و ٤٠٠ مليار جرام).
والله صحي..
طيب استوعبت دي، عشان لسه التقيل جاي؟
نحن قبيل فوق قلنا:
1 جرام = 100 برميل نفط، صاح؟
وطيب؛
1,400,000,000,000 جرام يورانيوم بتساوي كم برميل نفط؟
بتساوي:
140,000,000,000,000
(١٤٠ ترليون برميل نفط)
فوق في الأول قلنا اكبر احتياطي في العالم للنفط وين؟ في فنزويلا
وقلنا كم برميل؟ 300 مليار برميل
النتيجة:
انت عندك طاقة بما يعادل تقريباً 500 مرة اكبر احتياطي في العالم!!
انت عندك ثروة بتاعة طاقة هائلة بتقع في غرب السودان.
الحصل والبحصل الآن في السودان، اكبر من البرهان واكبر من حميدتي، واكبر من كل القوي السياسية الموجوده الآن في الساحة..

هل من قوة وطنية تمتلك الارادة القوية والادارة الرشيده !!